.comment-link {margin-left:.6em;}

í dagsins önn...........

hugleiðingar mínar

laugardagur, janúar 05, 2008

gleðilegt ár - 2008

jæja þá fara hlutirnir að róast aðeins aftur. ég hef tekið mér smá hlé hérna þar sem ég hef bara verið önnum kafin við að sinna öllu því sem ég þurfti að sinna undanfarnar vikur. þetta voru bara einhver bestu jól sem ég hef upplifað lengi. fór með skúla til keflavíkur á aðfangadagskvöld, og svo komu strákarnir mínir auðvitað til mín á jóladag, þar sem við tókum upp fullt af pökkum í viðurvist fjölskyldunnar. þetta var mjög gaman allt saman. fórum svo öll fjögur í jólaboð til skúla afa á annan í jólum og hittum þar stórfjölskylduna á þeim bænum. strákarnir undu sér bara nokkuð vel þarna. svo komumst við auðvitað í gegnum enn ein áramótin í faðmi fjölskyldu minnar. þetta var líka mjög vel heppnað, rólegt og þægilegt. að vísu var ansi mikið rok, og sprengjuvargarnir í fjölskyldunni gerðu óvart skotárás á leikskóla í grenndinni, en allt fór þetta nú vel. nú eru strákarnir mínir í vestmannaeyjum en þar eru gleðilæti mikil í dag og þrettándanum fagnað og svo koma þeir heim á morgun og þá er annar í þrettánda hjá þeim.... hehe þeir fá allt tvöfalt þessar elskur.

en nú er bara að hella sér í bókhaldið og sjá hvernig jólahúsið kom út úr árinu 2007og kanna hvort ekki sé ráð að panta sér flug til frankfurt til að fara að huga að næstu jólum. þau verða komin áður en þið vitið af........

mánudagur, nóvember 12, 2007

fræg


haldiði ekki bara að ég sé fræg. búin að prýða forsíðu mbl.is í dag undir fyrirsögninni: "það má líkja þessu við flughermi" og svo í tíufréttum rúv.... jájá maður er frægur.

laugardagur, nóvember 03, 2007

fjölhæf

eins og þið vitið þá er ég óhemju fjölhæf manneskja. nú er ég farin að klæða mig í svart/hvít föt og aðstoða þjónana á grillinu, sem er auðvitað flottasti veitingastaðurinn á landinu. maður er auðvitað ekki að vinna á neinum slor stöðum.

miðvikudagur, október 31, 2007

gott að koma heim

úff það var mikil þreyta í gangi þegar ég kom heim. sunnudagurinn fór í afslöppun og á mánudeginum var strax komin hingað þýsk kona til að kenna okkur á tækið. þannig að heilastarfsemin er enn á fullu. ég hef því sofnað fyrir allar aldir hérna heima líka. gleymdi meira að segja að fara í saumaklúbb á mánudaginn, enda var ég komin upp í rúm kl átta það kvöld. það er allt frekar tætt hérna, tækið ekki alveg að virka sem skildi, viðgerðarmenn að skrúfa allt sundur og saman á sama tíma og við eigum að vera að æfa okkur.... en þetta er bara gaman. svo stuðið heldur áfram...

föstudagur, október 26, 2007

vegir liggja til allra átta.....



OG NÆST ER ÞAÐ KÖBEN........
þá er síðasti vinnudagurinn á universitet sjukhuset í linköping á enda. þetta var frábært ferð, og svo gaman að fá að hitta þetta fólk. það var tekið einstaklega vel á móti okkur og við kvöddum með trega.




það fór þó aldrei svo að við kæmumst ekki á séns. við settumst niður á pöbb og fengum okkur auðvitað einn öl svona að lokum, og viti menn, birtist ekki einn milljónamæringur, algjör sjarmör sem hafði eitt sinn spilað fótbolta á móti íslendingum í reykjavík og séð ísbjörn sem var upplifun lífsins. við stungum af meðan hann fór að pissa :S



en nú er bara að reyna að koma dótinu ofaní tösku og vakna snemma á morgun og koma sér heim........

fimmtudagur, október 25, 2007

hætt'að telja þetta er ég


enn einn vinnudagurinn í svíþjóð á enda. við förum að fá svona warnings signals á ennið bráðum..... hætta... data overflow!!!!!!!! en að öðru leiti held ég að við stöndum okkur nokkuð vel.

við erum í þessum skrifuðum orðum að hafa okkur til því við eigum stefnumót við 17 kalla núna eftir smástund. verður nú svei mér gaman hjá okkur.

þriðjudagur, október 23, 2007

dagur 3

við vöknuðum alveg ótrúlega snemma í morgun, eða kl 4 að íslenskum tíma. þau byrja að vinna á mjög ókristilegum tíma að mínu mati, eða hálf átta. við vorum alveg einstaklega ferskar eitthvað þegar við þrömmuðum af stað, skítkalt en fallegt veður.

við sáum brachytheraphy í dag, vaginal, cervix og prostata, og æjh þetta var frekar grós. úff.... æjh ég fæ gæsahúð við tilhugsunina bara.

annars vorum við frekar þreyttar, sváfum báðar illa, og stutt enda erum við komnar upp í rúm núna alveg eldsnemma.

látum þetta nægja í bili

kv frá svíþjóð

mánudagur, október 22, 2007

dagur 2

ég held ég hafi aldrei verið svona fljót að sofna. kristín fór á klósettið og ég vissi ekki af mér fyrr en morgunin eftir þegar hún var búin í sturtu.... hótelið er mjög fínt, snyrtilegt og rúmgott, og við sváfum ljómandi vel saman. morgunmaturinn algjörlega til fyrirmyndar, ætluðum aldrei að tíma að hætta að borða. töltum svo af stað á sjúkrahúsið, veðrið var gott og þetta bara þægilegur göngutúr svona að morgni dags. við að vísu fórum auðvitað ekki stystu leiðina, þar sem við erum eins og allir vita óhemju áhugasamar um útivist og hreyfingu alla. það er eitt að finna byggingarnar og annað að vita í hverri þeirra við áttum að vera. en við auðvitað fundum þetta allt saman af okkar alkunnu snilld. enda ratvísar með eindæmum.



dagurinn var mjög fínn. það var tekið mjög vel á móti okkur.
deildinni er í glænýrri byggingu og er hún alveg ótrúlega vel heppnuð. ótrúlega björt og falleg, skreytt með málverkum og fiskabúrum. svíarnir eru ekki neinar teprur og þeir eru ekkert að eyða plássi í of mörg búningsherbergi. þar eru bara allir að hátta með öllum, alveg sama af hvoru kyninu þeir eru.... voða heimilislegt eitthvað.




við æddum svo í bæinn eftir vel heppnaðann vinnudag. okkur til mikillar gleði fundum við nokkrar búðir, og náðum að gleyma okkur þar. verst að það var svo stuttur tími í lokun.

þegar hér var komið sögu þá vorum við orðnar bjór og matarþurfi þannig að við leituðum að veitingastað. það hefur ekki reynst okkur auðvelt þessa tvo daga, en loks fundum vil gult hús sem lofaði góðu.... og jújú mikið rétt, frábær matur sem samanstóð af hreindýri, hirti og nauti og svo þessi líka geðveikislega góða súkkulaðikaka, ís og rjómi í eftirrétt. ekki veit ég hvað hljóp í hana kristínu, en þegar við stóðum upp og ætluðum að fara, þá var hún nærri búin að slá niður þjóninn. úff ég lýg því ekki að það munaði ekki nema 3-4 mm á að hann fengi bara einn á kjammann. hann sem var búin að vera svo ægilega almennilegur við okkur. neinei þá var brussugangurinn í henni þegar hún var að troða sér í úlpuna svo mikill að þjónninn átti fótum sínum fjör að launa.

en nú erum við allavega komnar upp í rúm, þreyttar en mjög ánægðar með góðan dag.

keflavik - stokkholm - linköping

þá erum við lagðar í hann. kristín sótti mig kl ö4.45 í morgun, en þá var ég rétt að klára að pakka niður. alltaf jafn tímanlega að öllu sem ég geri. tókum rútuna út á flugvöll, og byrjuðum auðvitað á að vera með vesen í henni þar sem ég sat bara á gólfinu til að byrja með en það rættist nú úr því. ægilega hamingjusamar þegar við sáum alla koma í röð á eftir okkur, náðum að vera á undan strollunni.

þegar við vorum komnar í gegnum tékkið, með tilheyrandi afklæðningum, þá hittum við tvo collega okkar, og settumst með þeim við kaffidrykkju.


það voru þær kristín haralds og ena. reyndar sýndist mér að hún kristín okkar þekkti bara flest alla þarna á vellinum. mátti ekki líta af henni, þá var hún komin í hrókasamræður við nýtt og nýtt fólk,


maturinn í vélinni var alveg með versta móti. en þegar maður er búin að vaka í sólarhring þá lætur maður sig nú hafa ýmislegt sem annars þætti ekki boðlegt. við komumst svo til stokkhólms heilu og höldnu og þrömmuðum af stað til að leita að lest. eftir smá labb þá fundum við lestina og fengum að vita að það væru tveir tímar í að hún færi og einnig að það væru engin laus sæti í henni. við yrðum því að standa í henni þessa þrjá tíma sem verðin til linköping tekur. mér varð nú hugsað til gylfa sem sagði mér að hann vorkenndi okkur ekkert að taka lest þarna á milli, gætum setið og horft á landslagið....
huhhhh.... setið jájá frábært.
jibbý jeyy

skáluðum fyrir því í einum bjór, og drápum tíman við glens og gamanmál. nú erum við í lestinni og ég reyni að halda mér vakandi við að skrifa eitthvað hér. vorum að vísu svo heppnar að geta nælt okkur í sitthvort sætið (sem betur fer, úff ég hefði ekki meika að standa allan þennan tíma). á þessu stigi málsins er ég búin að vaka í 30 klst og er orðin frekar lúin :P en það er ekki eftir neinu að bíða.........

miðvikudagur, október 17, 2007

undirbúningur

ég er búin að segja vinnufélugunum að það verði sett hér inn ferðasaga svo þau geti fylgst með okkur kristínu. þetta byrjar allt voða vel, ég er nú á heimleið úr vinnu og ætla að reyna að sofa úr mér þessa pest sem ég er að fá. kristín er á nudd og slökunarnámskeiði, og ég ætla að reyna að vera ekki veik á morgun svo ég geti farið á það á morgun. við erum búnar að panta okkur herbergi á first hotel í linköping. fengum að vísu ekki "the first lady room" - The room is suited to fit your needs as a woman and is something out of the ordinary. og erum nú frekar sorry yfir því þar sem við erum svo mikið fyrir hluti sem eru out of the ordinary, en við fáum hjónarúm og með þessa nuddkennslu í farteskinu þá hljótum við að verða mjög afslappaðar og fínar eftir ferðina.

erum alveg komnar í rétta ferðagírinn. gylfi ætlar að stinga okkur af á morgun og fara til kýpur á meðan við erum í burtu, þannig að þetta verður nú eiginlega höfuðlaus her hérna á stofnuninni í næstu viku.... omg

mánudagur, október 08, 2007

ferðaupplýsingar

hefur einhver ykkar farið til linköping??? mig vantar upplýsingar um hvar væri best að vera og hvað það er sem maður má alls ekki láta fram hjá sér fara þegar maður ferðast þar um. já og hvernig er hentugast að komast þangað.